“أخي وصديقي كاظم الزهيري: قصايد وذكريات” / الشاعر عبد الحسن المحمداوي

إلى الشاعر والصحفي المتألق دائما باختياراته لكل ما ينشر من قصائده الشعرية ومقالات مميزة كنت متابع له بشغف كاظم الزهيري كتب للوطن وكتب النصوص الغنائية الجميلة غنوا له مطربين كبار مثل المطرب كريم منصور ومطربين آخرين..كاظم الزهيري أخي وصديقي الطيب الوفي أبو علي الغالي يحفظك ربي وأتمنى لك
الشفاء العاجل يارب اهديلك هذه القصيدة
المتواضعة لصديقي الوفي أبو علي الغالي
…………..خوش كاظم……… …
الشاعر : عبد الحسن المحمداوي
كاظمنه الزهيري وخوش كاظم
وفي وطيب واصيل وخوش صاحب
كاظم عاشريته حفنت اسنين
بأخلاقه علا العلا المراتب
من تنخاه يركض گبلك اركاض
وگبله الغيره تركضلك تتطالب
ما يوم التعذر وكت الزماط
ولا خله مجال البيه تعاتب
ولا خلاك وكت العوز محتاج
ولا خلاك مريت بمصاعب
ولا يوم التعذر كال تعبان
ولا يوم اشتكى من المتاعب
كلت زاده وهني كلك يبو افلان
وبعد لحظات ترجع ليه أطالب
لعبت الطره كتبه ابجيبه ما گال
ولا يوم اتعض لا تانه راتب
دخل كل إختبار وكان محظوظ
مو مثل البعض في كلشي راسب
يا ساحه اليطبها اباله الفوز
تحچي السوح عنه والملاعب
غناله الوطن والشعر والناس
والفلاح والعامل وطالب
ما دحلب ولا ضم راسه فد يوم
وگف عل الساتر ابقلمه يحارب
ولع عنده عجيب ابحبه للناس
يشهدله العدو گبل الأقارب
ما دور غلب وي ربعه هيهات
ولا كشر انيابه ولامخالب
الفرق واضح البينه وبينك اهواي
فرق الاسد عن باقي الثعالب
تمد ايدك ابجيبه ساعة العوز
وظهره ما سلم من المقالب
العمر دوره چبير المخرف أنساه
صيت الزعل نساه المواهب
ترى السابوح ما يسبح بالگياش
واكو بيهم عبر لكنه راسب
القارب عرف قدره بزحمة الروج
البحر يهوى السفن موش القوارب
التحمد بيه أمس هسه شطلع بيه
يعزب بالهله وگبل المراحب
حجچيك مال واحد شارب اسموم
وصل حد الثماله وانسى اشارب
كبير ابعين ناسه وربعه أبو جواد
كاظم ما خسر كل وكته غالب